موعدالة انّ البشر هم يحكمون

             يملكون بايدينهم روح الاصيل

عدالتهم صار فيها حكم الجنون

               ما يدرون ان الظلم يرجع عليهم بالوبيل

مو معقولة انهم ياخذون اللي يبنون

                     وما يعطون غير خوف وعويل

*************************

كم شخص يرمي سمّه ولا كنّه ذميم

                يحسب الدنيا تفوّت له ما جناه بالسنين

مايدري انه دين ولابد له من التسليم

                          انا ممن ذاق سمهم وانفجرت شراييني من الانين

         كم تغاضينا عن شي ردي وعن زنيم

    وكم مرة حبست صوتي بوسط صدري بتلقين

  وكم تحاملنا على كم جرح اليم

               يا حسرة على احلامي سقطت كلها في كمين

وصارت مجرد اوهام وخيال  عديم

******************

قريت حظي وكتبته بوسط دفتري بعنوان000

طلع حظي ردي من دون البنات خايب وخسران000

وحترت شكتب لدفتري عنوان0000

واحترت واحترت واحترت0000أثاري كل تفكيري طلع غلطان000

طلعت الدنيا مو بس طلعة وفستان 000

ولاهي رسمة عين بمكياج صارخ وفتاّن000

الدنيا فيها امورن مبهجات واحزان000

وحتى الفرح محسوب على الخلايق بميزان000

ترى هالارض ما فوقها وتحتها شتاّن000

لا تغرّك يا بن آدم طول الدقايق والايام000

ترااااجعت00وقلت لااااا 00حظي مو خايب مثل ماقول انا وخسران

انا حظي سعيد لانه بوسط قلبي شواهد وايمان

دايم بهالدنيا صعب التصاريح000

من اول دخول فيها واحنا بتصريح000

انا بلحظة ياس كتبت شوية تخاريف000

وحبستها بوسط صدري من غير تسريح 000

وجد على وجد ولّد بركان من المجاريح00

جرح عميق وجرح بسيط وجرح ما يبان له تضاريس000

جــــــــــــــــــــوري الفـــــــضلي